სამართალი

მქონდა განცდა, რომ რაღაცა დანაშაული მზადდებოდა - ე.წ ციანიდის საქმეზე პროკურატურის მოწმე

ე.წ ციანიდის საქმის სასამართლო პროცესზე ბრალდების მხარის მოწმეების დაკითხვა გრძელდება.

დღევანდელ სხდომაზე დაიკითხა ადვოკატი ლილი გელაშვილი, რომელსაც საქმის მთავარმა მოწმემ ირაკლი მამალაძემ ციანიდთან დაკავშირებული ინფორმაცია პირველს მიაწოდა.

როგორც გელაშვილმა მედიასთან საუბარში განაცხადა, მას მამალაძის მონაყოლის შემდეგ დარჩა შეგრძნება, რომ მკვლელობა იგეგმება. მისი თქმით, წინააღმდეგ შემთხვევაში ის არ მოუწოდება მამალაძეს მიემართა სამართალდამცავი ორგანოებისთვის.

„მოვყევი ის რაც მოსმენილი მქონდა. რაც გადმოგვცა ინფორმაცია მე მაძლევდა საფუძველს იმისას, რომ მეფიქრა, რომ რაღაცა დანაშაული მზადდებოდა. მას შემდეგ რაც ეს ინფორმაციები და გამოძიების მასალები საჯარო გახდება თქვენ გაიგებთ ამის შესახებ. მე მქონდა ალბათ განცდა, რომ მვკლელობა იგეგმება, რომ არ მქონოდა არ მოვუწოდებდი მას მიემართა სამართალდამცავი ორგანოებისთვის“,-აღნიშნა ადვოკატმა.

მონიკა დავლიანიძე