სამართალი

მოწმემ დეკანოზისთვის ციანიდის გადაცემის ფაქტი არ დაადასტურა

თბილისის საქალაქო სასამართლოში ე.წ. ციანიდის საქმეზე ბრალდებულ დეკანოზ გიორგი მამალაძის მეგობარი, ტარას შავშიშვილის დაკითხს.

დაკითხვის შემდეგ ტარიელ შავიშვილმა ჟურნალისტებთან მცირე კომენტარი გააკეთა და თქვა, რომ დეტალებზე არ ისაუბრებს.

„ვერ დავადასტურებ ვერაფერს. ყოველ შემთხვევაში, კანონსაწინააღმდეგო არაფერი მიმიცია,“ - ამბობს ტარიელ შავშიშვილი.

თავის მხრივ, როგორც გიორგი მამალაძის ადვოკატებმა განმარტეს, შავშიშვილი არის ადამიანი, რომელმაც მამა გიორგი მამალაძე თბილისის საერთაშორისო აეროპორტში გამგზავრებამდე ნახა.

დაცვის მხარის ინფორმაციით, გამოძიება დაინტერესდა თუ რა გადასცა მან დეკანოზს გერმანიაში გამგზავრებამდე.

შავშიშვილის თქმით, მან დეკანოზს ღვინო და ბარათი მიუტანა.

ადვოკატ გიორგი ფანცულაიას განცხადებით, მოწმემ დეკანოზისთვის ციანიდის გადაცემის ფაქტი არ დაადასტურა.

ტარას შავშიშვილის თქმით, თეთრუაშვილი საპატრიარქოში არ წარმოადგენს პირს, რომელსაც საკუთარი გავლენის მეშვეობით, დეკანოზ გიორგი მამალაძისთვის კარიერულ წინსვლაში ხელის შეშლა შეეძლო.

„პროკურატურის მიერ, ვარაუდზე აგებული ბრალდება, რომ შორენა თეთრუაშვილის გავლენით პატრიარქი თანამდებობიდან გადააყენებდა, პრაქტიკულად ეს ვერსია გამოირიცხა,“ - განაცხადა მამა გიორგი მამალაძის ადვოკატმა გიორგი ფანცულაიამ.

ნინო ექვთიმიშვილი