საზოგადოება

მოცემული გადაწყვეტილებით, ადამიანების თანადგომა ცხადდება დანაშაულად - ფონდი `ფროსფერითი ჯორჯია`

ფონდ "ფროსფერითი ჯორჯიას" განცხადებით, დაყადაღების მოტივზე განჩინება ჩაბარდათ.

მათი თქმით, განჩინება იურისტებთან გაიარეს და საქმე "სამართლებრივ ნონსენსს" წარმოადგენს.

"დღეს ფონდს ჩაბარდა განჩინება, სადაც ბუნდოვნად აღწერილია მისი ანგარიშების დაყადაღების მოტივი, აღძრული სისხლის სამართლის საქმის საფუძველზე.

იურისტებთან ერთად განვიხილეთ განჩინება და მათთან კონსულტაციის საფუძველზე გვინდა განვაცხადოთ, რომ აღნიშნული საქმე წარმოადგენს სამართლებრივ ნონსენსს.

მოცემული გადაწყვეტილებით, ადამიანების თანადგომა ცხადდება დანაშაულად; არადა ფონდის მიზანი სწორედ დაზარალებული ხალხის დახმარებაა.

ფონდი მუშაობს წესდებით განსაზღვრული მიზნების შესაბამისად და ჩვენი საქმიანობა შემოიფარგლება საჯაროდ გაცხადებული ჰუმანიტარული ქმედებებით.

საზოგადოების წინაშე მაღალი პასუხისმგებლობიდან გამომდინარე, ფონდი საქმიანობას წარმართავს გამჭვირვალედ. მისი საქმიანობა არის საჯარო და კანონთან შესაბამისი. რეგულარულად ქვეყნდება მისი ყველა აქტივობა და ფინანსური ანგარიში.

ამ აბსურდული პროცესის განვითარების შესახებ ინფორმაციას შესაბამისად გაცნობებთ", - ნათქვამია განცხადებაში.

გუშინ, 17 მარტს ოლიგარქის პროკურატურამ ვატო შაქარიშვილის ორგანიზაციის განცხადების საფუძველზე დაწყებული გამოძიების ფარგლებში, გუშინ, 17 მარტს 5 ფონდი დააყადაღა, რომლებიც მოქალაქეებს რეჟიმის მიერ გამოწერილი უსამართლო ჯარიმების გადახდაში, ასევე სხვადასხვა საქველმოქმედო საჭიროებებში ეხმარებოდნენ.