სამართალი

მოსამართლე ვლადიმერ კაკაბაძე ფადი ასლის სასამართლოში უჩივის

მოსამართლე, ვლადიმერ კაკაბაძე ბიზნესმენ ფადი ასლის სასამართლოში უჩივის.

შესაბამისი სარჩელი თბილისის საქალაქო სასამართლოში კაკაბაძის ადვოკატმა, კობა ბოჭორიშვილმა შეიტანა.

როგორც ადვოკატმა ჟურნალისტებს განუცხადა, სარჩელი შეეხება მოსამართლის წინააღმდეგ პატივის და ღირსების, ასევე საქმიანი რეპუტაციის შემლახველი ინფორმაციის გავრცელებას.

ბოჭორიშვილის ინფორმაციით, ვლადიმერ კაკაბაძე ცნობების უარყოფას და მორალური ზიანის ანაზღაურებას ითხოვს, ფინანსური მოთხოვნა 20 000 ლარს შეადგენს.

საქმე ეხება ფადი ასლის იმ განცხადებას, სადაც ვლადიმერ კაკაბაძის იმ გადაწყვეტილებას აპროტესტებს, რომლის მიხედვითაც, თამბაქოს საერთაშორისო ბრენდები British American Tobacco და Philip Morris დაახლოებით 90 მილიონი დოლარით დაჯარიმდნენ. ფადი ასლი აცხადებდა, რომ მოსამართლე კორუმპირებულია.

„მოთხოვნა ეფუძნება ინფორმაციიის უარყოფას, რომელიც ბატონი მოსამართლის წინააღმდეგ გავრცელდა. საუბარი იყო კორუფციაზე, დანაშაულზე და სხვა სახის ცილისწამებულ განცხადებებზე, რომელიც გამოთქმული იყო საჯარო მოხელის მიმართ და მან საჯაროდ მიაყენა მოსამართლეს შეურცხყოფა გამოტანილი გადაწყვეტილების გამო“, - განაცხადა კობა ბოჭორიშვილმა.

ნინო ექვთიმიშვილი