პოლიტიკა

მოსახლეობას აინტერესებს, გარდა ვეტოების დადებისა პრეზიდენტმა მთელი ამ პერიოდის მანძილზე რა გააკეთა - გუგული მაღრაძე

საპარლამენტო უმრავლესობის წევრის, გუგული მაღრაძის განცხადებით, პარლამენტი პრეზიდენტის გამოსვლას მომზადებული დახვდება.

დეპუტატი ფიქრობს, რომ ოპოზიცია გამოიყენებს პრეზიდენტის პარლამენტში მისვლას და დებატები იქნება მწვავე.

„პრეზიდენტი თავისი ქცევით ცდილობს, პოპულარული გახდეს, თუმცა სახელმწიფო ინსტიტუტების პატივისცემა – ეს პრეზიდენტის მოვალეობაცაა.

მოსახლეობას, ცხადია, აინტერესებს, გარდა ვეტოების დადებისა, პრეზიდენტმა მთელი ამ პერიოდის მანძილზე რა გააკეთა. საინტერესოა მისი გეგმა, როცა ის არაა აღმასრულებელი ხელისუფლება, რას დაპირდება ხალხს წინასაარჩევნოდ, როცა მას არ აქვს სააღმსრულებლო ფუნქციები, რა უნდა გააკეთოს მან და რას უნდა დაპირდეს საზოგადოებას“, – განაცხადა გუგული მაღრაძემ.

მისივე ინფორმაციით, პრეზიდენტის გამოსვლას პრემიერი და ვიცე-პრემიერებიც დაესწრებიან.

ნინო ექვთიმიშვილი