კომენტარი

მომავალი პრეზიდენტი ვერ ლაპარაკობს ჯერ ამ საკითხზე - სალომე ზურაბიშვილი ტელეკომპანია “იბერიაშ“ და „ომეგა ჯგუფის“ საქმეზე

მომავალი პრეზიდენტი ვერ ლაპარაკობს ჯერ ამ საკითხზე, - განაცხადა საქართველოს პრეზიდენტობის კანდიდატმა, სალომე ზურაბიშვილმა „ომეგა ჯგუფის“ საქმესთან დაკავშირებით გავრცელებული სკანდალური აუდიოჩანაწერებთან დაკავშირებით დასმული კითხვის საპასუხოდ.

ზურაბიშვილის თქმით, ის არ იცნობს მასალებს და შესაბამისად, არ აკეთებს კომენტარს. თუმცა ამავდროულად საპრეზიდენტო კანდიდატი მიიჩნევს, რომ მომხდარ ფაქტთან დაკავშირებით გამოძიება უნდა დაიწყოს.

„როცა მექნება ყველა ფაქტი, მაშინ გავაკეთებ. მე როცა შევისწავლი მაშინ გეტყვით. გამოძიება ყველაფრის უნდა მოხდეს ყველაფრის,“ - განაცხადა ზურაბიშვილმა.

შეგახსენებთ, რომ „კურიერმა“ დღეს კიდევ ერთი სკანდალური აუდიოჩანაწერი გაავრცელა, სადაც სავარაუდოდ, „თბილისის თამბაქოს“ აქციონერი, ირაკლი ჩუბინიშვილი „ომეგას“ დამფუძნებელს ესაუბრება.

აუდიოჩანაწერიდან ირკვევა, რომ ე.წ. ფონდში თითოეული გაყიდული კოლოფი სიგარეტიდან 2,5 თეთრი ხვდება. ჯამურად, კი სახელისუფლებო პარტიის შავ ანგარიშებზე შესული თანხა ათეულობით მილიონს აღწევს.