პოლიტიკა

მომავალ დღეებში კიდევ უფრო აქტიურად ვიქნები ჩართული საარჩევნო პროცესში, ყველა მინისტრს ამის უფლება აქვს - თეა წულუკიანი

იუსტიციის მინისტრის, თეა წულუკიანის განცხადებით, ის აქტიურად იქნება ჩართული „ქართული ოცნების“ მიერ მხარდაჭერილი საპრეზიდენტო კანდიდატის, სალომე ზურაბიშვილის წინასაარჩევნო კამპანიაში.

მისივე თქმით, ის ელოდება ცესკო-ს გადაწყვეტილებას არჩევნების მეორე ტურის ჩატარების თარიღთან დაკავშირებით.

„ჩვენ ველოდებით ცესკო-ს გადაწყვეტილებას, მანამდე რაიმე ტიპის ვარაუდებზე კომენტარი, ალბათ, არასწორი იქნებოდა. საარჩევნო პროცესში ჩართული ვარ მეც და მომავალ დღეებში კიდევ უფრო აქტიურად ვიქნები ჩართული, მე მაქვს ამის უფლება. ყველა მინისტრს, მათ შორის ბატონ გახარიას აქვს სრული უფლება, რომ ის იყო საარჩევნო პროცესში ჩართული“,- განაცხადა წულუკიანმა.

შეკითხვაზე, რა მოხდება იმ შემთხვევაში, თუ არჩევნები სამუშაო დღეს დაინიშნება და უცხოეთში მყოფ საქართველოს მოქალაქეებს პრობლემები შეექმნათ, წულუკიანმა უპასუხა, რომ „როდესაც დაინიშნება, მერე გიპასუხებთ“.