პოლიტიკა

მოძრაობა „არა ნაციზმის“ შეხვედრაზე შვილმოკლული დედები ერთმანეთს დაუპირისპირდნენ

გლდანში, მეტრო „ახმეტელის თეატრთან“ მოძრაობა „არა ნაციზმის“ წარმომადგენლები და ბუტა რობაქიძის დედა, ია მეტრეველი მოსახლეობას შეხვდა. შეკრებილებს დაურიგეს ფლაერები, რომელზეც, მათი თქმით, „ნაციონალური მოძრაობის“ მმართველობის დროს ჩადენილი დანაშაულებია ჩამოთვლილი.

შეხვედრაზე სიტყვიერი დაპირისპირება მოხდა. შეკრებილებთან ერთ-ერთი შვილმოკლული დედა ლამზირა მიქია მივიდა, რომელმაც მეტრეველს „პოლიტიკური გამყიფველი“ უწოდა. საპასუხოდ მეტრეველმა განაცხადა, რომ მიქია ქრთამის აღებაშია ბრალდებული.

მოძრაობის დამფუძნებლის, ია მეტრეველის განცხადებით, მსგავსი შეხვედრების მიზანი მოსახლეობისთვის მიხეილ სააკაშვილის 9-წლიანი რეჟიმის შეხსენებაა. მოძრაობა მოსახლეობას მოუწოდებს, ხმა არ მისცენ „ნაციონალური მოძრაობის“ რჩეულ საპრეზიდენტო კანდიდატს, გრიგოლ ვაშაძეს.