პოლიტიკა

მოძრაობა „არა ნაციზმის“ ახალგაზრდულმა ფრთამ ნიკა გვარამიას ქვეყნიდან გასამგზავრებელი „ბილეთი` დაუტოვა

მოძრაობა „არა ნაციზმის“ ახალგაზრდულმა ფრთამ „რუსთავი 2“-თან აქცია გამართა. შეკრებილებმა არხის გენერალურ დირექტორს, ნიკა გვარამიას ქვეყნიდან გასამგზავრებელი „ბილეთი" დაუტოვეს. „ბილეთზე“ ეწერა თბილისი-მოსკოვის „რეისი“.

აქციის მონაწილეთა განმარტებით, ისინი გვარამიას იმიტომ უშვებენ რუსეთში, რომ “რუსთავი 2“-ის მფლობელი ლევან ნაყოფია არის რუსეთის მოქალაქე.

აქციის მონაწილეებმა გაიხსენეს ნიკა გვარამიას დაპირება, რომ საპრეზიდენტო არჩევნებზე სალომე ზურაბიშვილის გამარჯვების შემთხვევაში ის ქვეყანას დატოვებს.

აღსანიშნავია, რომ „არა ნაციზმს“ ნანა კაკაბაძე ხელმძღვანელობს, რომელსაც „რუსთავი 2“ არხის გადამღები ჯგუფისთვის ფიზიკური შეურაცხყოფის მიყენებაში ადანაშაულებს.