სამართალი

მკვლელობა ბარნოვის ქუჩაზე - ბრალდებულის შვილები ამბობენ,რომ ბაქრაძე და მოკლულის დედა 10 დღის წინ დაქორწინდნენ

25 წლის თამარ გამრეკელაშვილის მკვლელობაში ბრალდებულის ვეფხია ბაქრაძის შვილები აცხადებენ, რომ ბაქრაძის შეწყალების თხოვნით საქართველოს პრეზიდენტს თავად მოკლულის დედამ მიმართა.

ბრალდებულის ოჯახის წევრებმა „რუსთავი 2“-თან დაადასტურეს, რომ 2015 წელს მან იძალადა მეუღლეზე, თუმცა ნათია გოგაძეს კომუნიკაცია ყოფილ ქმართან ციხეში ყოფნის პერიოდშიც და იქიდან გამოსვლის შემდეგაც ჰქონდა.

„გახარებულმა მითხრა, რომ ნათიამ დამიწერა შეწყალების თხოვნაო, იქაც მაკითხავდა და ფულსაც მირიცხავდაო, მაგრამ თაკომ არ მინდა რომ გაიგოსო. ბოლოს რომ დაწერა იმ ადამიანმა ვის გამოც იჯდა მერე გამოუშვეს,“-ამბობს ლიკა ბაქრაძე.

ბრალდებულის შვილები ამბობენ, რომ 10 დღის წინ ნათია გობაძე და ვეფხია ბაქრაძე ოფიციალურად დაქორწინდნენ და ისინი ერთად ცხოვრებას გეგმავდნენ. მათივე თქმით,ინფორმაცია არ აქვთ იმის შესახებ თუ რა მოხდა მკვლელობის დღეს.