პოლიტიკა

მივესალმებით გადაწყვეტილებას, რომ პრეზიდენტის გამოსვლასთან დაკავშირებით მოეწყოს დებატები - ანა დოლიძე

საქართველოს პრეზიდენტის საპარლამენტო მდივნის, ანა დოლიძის განცხადებით, პრეზიდენტი 7 აპრილს პარლამენტისადმი სიტყვით გამოსვლისას ქვეყანაში არსებულ ყველა გამოწვევაზე ისაუბრებს.

„დემოკრატიულ ქვეყანაში სწორედ რომ პარლამენტი არის და უნდა იყოს პოლიტიკური ცხოვრების ეპიცენტრი და მაშინ, როდესაც საუბარია იმაზე, რომ ,,ქართულ ოცნებას’’ ნელ-ნელა თავი მიყავს თვითიზოლაციისკენ, ჩვენ მხოლოდ და მხოლოდ მივესალმებით გადაწყვეტილებას, რომ პრეზიდენტის გამოსვლასთან დაკავშირებით მოეწყოს შინაარსობრივი, ღრმა, გაცხოველებული დებატები.

პრეზიდენტის ყოველწლიური გამოსვლა, ბუნებრივია, ეხმიანება ყველა იმ ყველაზე საჭირბოროტო თემას, რომელიც შეიძლება აწუხებდეს ჩვენს ხალხს. პირველ რიგში ეს არის ეკონომიკა და ეკონომიკური განვითარება, ეს არის სოციალური საკითხები. ეს არის სამართალდამცავი თემები, ეს არის სასამართლოსთან დაკავშირებული საკითხები, “ - განაცხადა ანა დოლიძემ.

ბიუროს სხდომაზე დღეს პრეზიდენტის სიტყვით გამოსვლასა და დებატების ფორმატზე მსჯელობენ.

ნინო ექვთიმიშვილი