პოლიტიკა

მინდა, შეშფოთება გამოვხატო მეორე ტურში დემოკრატიული არჩევნების ხარისხი მკვეთრი ვარდნის თაობაზე - გიორგი მარგველაშვილი

საქართველოს მოქმედი პრეზიდენტი გიორგი მარგევლაშვილი საპრეზიდენტო არჩევნებს აფასებს და აცხადებს, რომ დემოკრატიულობის ხარისხი მკვეთრად დაეცა.

„გუშინდელ არჩევნებზე დაკვირვებით და აგრეთვე, სადამკვირვებლო ორგანიზაციების შეფასების ანალიზის საფუძველზე მინდა, შეშფოთება გამოვხატო მეორე ტურში დემოკრატიული არჩევნების ხარისხის მკვეთრი ვარდნის თაობაზე და ერთმნიშვნელოვნად ვთქვა, რომ საქართველოში არჩევნები აღარ უნდა ჩატარდეს ამ სტანდარტით“, - განაცხადა მარგველაშვილმა.

მოქმედმა პრეზიდენტმა ასევე მიულოცა სალომე ზურაბიშვილს არჩევნებში გამარჯვება და მზადყოფნა გამოთქვა უფლებამოვალეობის გადაბარების პროცესში მასთან ითანამშრომლოს.

„ვულოცავ საქართველოს მეხუთე პრეზიდენტს სალომე ზურაბიშვილს. ვუსურვებ წარმატებას და აგრეთვე მინდა ვთქვა, რომ როგორც კი სალომე ზურაბიშვილი დაასახელებს პასუხისმგებელ პირს, ჩვენ მზად ვართ დავიწყოთ თანამშრომლობა, როგორც ადმინისტრაციული თვალსაზრისით საქმის გადაბარების საკითხზე, ასევე ინაუგურაციის მოწყობის პროცესში მონაწილეობაზე და დახმარებაზე. ღმერთმა დალოცოს ჩვენი საქართველო და გააძლიეროს ჩვენი პრეზიდენტი“, - განაცხადა მარგველაშვილმა.