პოლიტიკა

მიმდინარეობს ზეწოლა, სახელისუფლებო წნეხი, შანტაჟი, მოსყიდვა - მურმან დუმბაძის მტკიცებით, მმართველი გუნდი აჭარაში არჩევნების გაყალბებას ცდილობს

გაერთიანებული ოპოზიციის წევრის, მურმან დუმბაძის ინფორმაციით, „ქართული ოცნება“ აჭარაში არჩევნების მეორე ტურის გასაყალბებლად ემზადება.

დღევანდელ ბრიფინგზე დუმბაძეს თქვა, რომ აჭარაში, სადაც გაერთიანებული ოპოზიციის პრეზიდენტობის კანდიდატმა გრიგოლ ვაშაძემ დამაჯერებელი გამარჯვება მოიპოვა, ქართული ოცნება ადმინისტრაციული რესურსის გამოყენებით შედეგების შეცვლას ცდილობს.

მისივე თქმით, ყველა საშტაბო ერთეულში შეცვლილია თავმჯდომარეები. მიმდინარეობს ამომრჩეველთა მოსყიდვა და დაშინება.

„მიმდინარეობს ზეწოლა, სახელისუფლებო წნეხი, შანტაჟი , მოსყიდვა, გადმობირება, ჩვენს კოორდინატორებთან მისვლა, დალაპარაკება, ფულის შეთავაზება. ადამიანები ჩართეს საშტაბო მუშაობაში, რომლებიც დაკავშირებულები არიან კრიმინალთან, რომლებზეც მიმდინარეობს სისხლის სამართლებრივი მოძიების საკითხები“, - განაცხადა დუმბაძემ.