სამართალი

მიხეილ სააკაშვილმა მარიამ საჯაიასთავის 3 ათას ლარის ღირებულების სამკაული შეიძინა - მოწმის ჩევნება

საბიუჯეტო სახსრების ხარჯვის პროცესზე, მოწმემ, სახელმწიფო დაცვის სპეციალური სამსახურის ყოფილმა თანამშრომელმა მალხაზ შაირიაშვილმა თქვა, რომ ყოფილმა პრეზიდენტმა მიხეილ სააკაშვილმა, ბიუჯეტის თანხებით, პარლამენტის დეპუტატ მარიამ საჯაიასა და უკრიანელი მომღერლისთვის ივანა მელაისთვის საჩუქრები შეიძინა.

მისი თქმით, მარიამ საჯაიასთვის ნაყიდი სამკაულის ღირებულება 3 ათას ლარს შეადგენდა.

"მიხეილ სააკაშვილმა მარიამ საჯაიას და ივანა მელაის საბიუჯეტო თანხებით შეძენილი ძვირადღირებული ყელსაბამები აჩუქა. მარიამ საჯაიას საჩუქარი 3 ათას ლარიანი იყო. საჩუქრები ადრესატებს მე გადავეცი“,- განაცხადა სასამართლო პროცესზე შარიაშვილმა.

პროცესზე საქმის კიდევ ერთი მოწმე დაიკითხა, კერძიდ, სდსს-ს ყოფილი თანამშრომელი ვალერიან კილაძე.

მისი თქმით, პრეზიდენტის სტუმრებისთვის საჩუქრების შეძენა გასაიდუმლოებულ ვითარებაში ხდებოდა.

„პრეზიდენტის სტუმრებისთვის საჩუქრებს გასაიდუმლოებულ ვითარებაში ყიდულობდნენ, პრეზიდენტის განკარგულების საფუძველზე“, - განაცხადა ვალერიან კილაძემ და აღნიშნა , რომ ათას ლარიანი საცურაო კოსტიუმიც შეიძინეს პრეზიდენტის კიდევ ერთი სტუმრისთვის ვერონე სარასთვი .

საბიუჯეტო სახსრების ხარჯვის საქმეზე, ბრალდებულები არიან საქართველოს ყოფილი პრეზიდენტი მიხეილ სააკაშვილი და სახელმწიფო დაცვის სპეციალური სამსახურის ყოფილი უფროსი თემურ ჯანაშია.

მონიკა დავლიანიძე