პოლიტიკა

მიგვაჩნია, რომ შალვა შავგულიძე უნდა გახდეს მთავარი პროკურორი - სერგი კაპანაძე

პარლამენტის თავმჯდომარის მოადგილისა და ფრაქცია „ევროპული საქართველო - მოძრაობა თავისუფლებისთვის“ წევრის, სერგი კაპანაძის განცხადებით, ქვეყნის მთავარი პროკურორი შალვა შავგულიძე უნდა გახდეს.

„მიგვაჩნია, რომ ეს ადამიანი უნდა გახდეს მთავარი პროკურორი. პროცედურები, თუ როგორ გახდება, ეს მნიშვნელოვანი საკითხი არის, თუმცა, მთავარი არის შედეგი და ჩვენ მზად ვართ, ასევე, პროცედურების განხილვაშიც მივიღოთ მონაწილეობა, ოღონდ ეს არ უნდა გაჭიანურდეს და არ უნდა იყოს გადადებული, ეს უნდა მოხდეს ძალიან მალე,“ - განაცხადა დეპუტატმა.

შაბათს „ევროპულმა საქართველომ“ მთავარი პროკურორის კანდიდატად შალვა შავგულიძე დაასახელა, რასაც ის დათანხმდა.

როგორც „კურიერი“ ავრცელებს ინფორმაციას, მმართვე; გუნდში ნათია მეზვრიშვილის კანდიდატურას განიხილავენ.

მთავარი პროკურორის შერჩევის პროცესს იუსტიციის სამინისტრომ უკვე დაიწყო და პარლამენტს ერთი თვის ვადაში უნდა წარუდგინოს ოფიციალური კანდიდატი.

ცნობისთვის, ხუთშაბათს ირაკლი შოთაძემ მთავარი პროკურორის თანამდებობა დატოვა ხორავას ქუჩაზე მოზარდების მკვლელობის საქმის გამო.