პოლიტიკა

მგონია, სიტყვა წასცდა ან იფიქრა, რომ თავისი განცხადებით კონფლიქტის მხარეებს შორის ურთიერთობას მოაგვარებს - გია ვოლსკი ჰერბერტ ზალბერის განცხადებაზე

საპარლამენტო უმრავლესობის წევრის გია ვოლსკის განცხადებით, ევროკავშირის სპეციალური წარმომადგენლის სამხრეთ კავკასიასა და საქართველოს კრიზისების საკითხებში ჰერბერტ ზალბერის ბიბილოვისადმი გაკეთებული განცხადება არის საქართველოსადმი გადადგმული არაკორექტული დიპლომატიური ნაბიჯი.

ვოლსკიმ არ გამორიცხა, რომ შესაძლოა, ზალბერის ეს განცხადება წაცდომაა, რომელიც მიმართული იყო კონფლიქტის მოგვარებისკენ. დეპუტატმა ამ ნაბიჯი „სიღრმისეული შეცდომა“ უწოდა.

ვოლსკის თქმით, ეს განცხადება თავად ზალბერმა უნდა განმარტოს.

შეგახსენებთ, რომ ჰერბერტ ზალბერი გუშინ ოკუპირებული სამხრეთ ოსეთის ე.წ. პრეზიდენტ ანატოლი ბიბილოვს შეხვდა და მას ე.წ. საპრეზიდენტო არჩევნებში გამარჯვება მიულოცა. ამის გამო საქართველოში ევროკავშირის ელჩი იანოშ ჰერმანი საგარეო საქმეთა სამინისტროში დაიბარეს.

ანა მებურიშვილი