პოლიტიკა

„მგლის თავზე სახარების კითხვით” რუსეთის პოლიტიკა არ შეიცვლება - გიგა ბოკერია რუსეთისადმი პრემიერის მიმართვაზე

„ევროპული საქართველოს“ ერთ-ერთმა ლიდერმა გიგა ბოკერიამ რუსეთისადმი პრემიერის მიმართვის კომენტირებისას განაცხადა, რომ ამით კრემლის პოლიტიკა არ შეიცვლება.

ბოკერიამ მოუწოდა ხელისუფლებას, თანამიმდევრული პოლიტიკა გაატაროს რუსეთის მიმართ.

„ეს მიმართვა არ მოიტანს არანაირ სერიოზულ შედეგს. პუტინის მიმართ ასეთი მიმართვებით რომ იცვლებოდეს რუსეთის პოლიტიკა, ეს უკვე მოხდებოდა. ივანიშვილის მთავრობა მოვიდა ცრუ დაპირებით, რომ დაალაგებდა ურთიერთობას რუსეთის ხელისუფლებასთან და თან ამას იზამდა ძალიან სწრაფად. დადასტურდა, რომ ეს იყო ცრუ დაპირება და იმ პოლიტიკით, რომელიც მათ გაატარეს, საუბარია მაღალი რანგის დღის წესრიგიდან საქართველოს საკითხის მოხსნაზე, დააზიანა საქართველოს ინტერესები.

მათ უნდა მიეცათ აქტიური რეაქცია ოთხოზორიას საზარელ მკვლელობაზე, თუმცა ეს არ გააკეთეს და ახლაც არიან არათანმიმდევრულები. ასე „მგლის თავზე სახარების კითხვით” რუსეთის პოლიტიკა არ შეიცვლება. ჩვენ გვჭირდება თანმიმდევრული პოლიტიკა და კონკრეტული ნაბიჯები ქვეყნის შიგნით და ქვეყნის გარეთ. ერთ-ერთი ასეთი ნაბიჯი შევთავაზეთ მთავრობას „ტატუნაშვილი-ოთხოზორიას სიის“ სახით”, - განაცხადა ბოკერიამ.