სამართალი

მეუფე პეტრე დეკანოზ მამალაძის სანახავად არ შეუშვეს

ჭყონდიდელი მიტროპოლიპიტი, პეტრე ცავაა, რომელიც სასჯელაღსრულების მე-9 დაწესებულებაში დეკანზ გიორგი მამალაძესთან შესახვედრად მივიდა, ბრალდებულთან არ შეუშვეს.

როგორც ე.წ. მატროსოვის ციხიდან გამოსულმა, მეუფე პეტრემ ჟურნალისტებს განუცხადა, მისთვის მოულოდნელი იყო სასჯელაღსრულების დაწესებულების თანამშრომლების პოზიცია, რომ ის არ შეეშვათ ბრალდებულთან.

„ძალიან მოულოდნელი პასუხი მივიღე, რომ არ მიშვებენ მამა გიორგის სანახავად. მე ვფიქრობ, რომ ძალიან დიდ შეცდომას უშვებს ისევ ხელისუფლება ამ შემთხვევაში. მიზეზი ჩემთვის არ განუმარტავთ”, - განაცხადა მეუფე პეტრე ცაავამ.

მისივე თქმით, დაკავებულ დეკანოზს არ აქვს ტელევიზორი და არ აქვს საშუალება, საინფორმაციო საშუალებებს მოუსმინოს.

,,ვფიქრობ, რომ დღემდე ტექნიკური მიზეზებით აფერხებენ ამ საკითხის მოგვარებას’’, - აღნიშნა მეუფე პეტრემ.

ნინო ექვთიმიშვილი