პოლიტიკა

მეტად როგორღა უნდა დაამცირო პრეზიდენტობის კანდიდატი... სხვა სიტყვებით რომ ვთქვათ, უთხრა, რომ `ჩემს გარეშე არარაობა ხარ` - გიორგი მშვენიერაძე

საპრეზიდენტო არჩევნების ბანერებზე სალომე ზურაბიშვილის მაგივრად „ქართული ოცნების“ თავმჯდომარის, ბიძინა ივანიშვილის ფოტოს გამოჩენას არასამთავრობო ორგანიზაცია „საქართველოს დემოკრატიული ინიციატივას“ თავმჯდომარე გიორგი მშვენიერაძე გამოეხმაურა.

მან ეს ფაქტი ზურაბიშვილის დამცირებად შეაფასა.

„მეტად როგორღა უნდა დაამცირო პრეზიდენტობის კანდიდატი, რომ ბანერებიდან საკუთარი სურათები ჩამოხსნევინო და შენი გააკრევინო. სხვა სიტყვებით რომ ვთქვათ, უთხრა, რომ "ჩემს გარეშე არარაობა ხარ", ამიტომ მე მოვიგებ ამ არჩევნებს და დაგნიშნავ პრეზიდენტად“, - დაწერა მშვენიერაძემ ფეისბუკის საკუთარ გვერდზე.