სამართალი

მე მგონია, რომ შსს-სა და პროკურატურას აქამდე უნდა გაეთვალისწინებინა ის რეკომენდაციები - სერგი კაპანაძე

ხორავას ქუჩაზე მოზარდების მკვლელობის საქმის შემსწავლელი დროებითი საპარლამენტო საგამოძიებო კომისიის თავმჯდომარის, სერგი კაპანაძის განცხადებით, შსს-სა და პროკურატურას აქამდე უნდა გაეთვალისწინებინა კომისიის მიერ გაცემული რეკომენდაციები.

„მე მგონია, რომ შსს-სა და პროკურატურას აქამდე უნდა გაეთვალისწინებინა ის რეკომენდაციები, რომლებიც ჩვენ გავეცით. ეს რეკომენდაციები ემყარებოდა საქმეში არსებულ ინფორმაციებსა და მასალებს. მას მერე კიდევ უფრო გაგვიმყარდა ჩვენ რწმენა ამ რეკომენდაციებთან დაკავშირებით და მე იმედი მაქვს, რომ უმოკლეს ვადაში იქნება კონკრეტული ნაბიჯები გადადგმული“, - განაცხადა კაპანაძემ.

მან ასევე აღნიშნა, რომ კომისიის საბოლოო დასკვნა გამოკითხვების დასრულებიდან უმოკლეს ვადებში დაიდება.