საზოგადოება

მე ამას ვაფასებ, როგორც დედა ეს არის წინაპირობა ლეტალური პროცესის - გიორგი ჩიკვაიძის დედა

შიმშილობის 24- ე დღე ციხეში- რეჟიმის პატიმარი გიორგი ჩიკვაიძე ამ დრომდე პროტესტის უკიდურეს ფორმას მიმართავს. რეჟიმის მამხილებელი ბიზნესმენი დღეს პირველად ციხეში დედამ მოინახულა.

ჩიკვაიძის დედის თქმით, ვითარება კრიტიკულ ნიშნულს უახლოვდება. მისი თქმით, "გიორგი ქვედა კიდურებს ვერ გრძნობს, ვერ დგება და ვერ გადადგილება დამოუკიდებლად".

ეკა წერეთელი მოსამართლე იზა კელენჯერიძეს მიმართავს და მოუწოდებს, თავად შევიდეს ციხეში და ნახოს, რა მდგომარეობაში ჩააგდო მისი გადაწყვეტილებით ბიზნესმენი.

"თქვენ ხართ მკვლელები", - ეუბნება ჩიკვაიძის დედა პროკურორ გაბიტაშვილს და მოსამართლე იზა კელენჯერიძეს

ბიზნესმენის ოჯახი არასამთავრობო ორგანიზაციებს და ოპოზიციასაც დახმარებას სთხოვს.

დღეს არის შიმშილობის 24-ე დღე და მე, რაც იქ ვნახე ეს არ არის მხოლოდ შიმშილობის შედეგი. ჩვენ არ ვიცით იქ, რა მოხდა 13 მარტს. ახალგაზრდა, ჯანმრთელი ადამიანი, რომელიც შევიდა ციხეში დღეს ქვედა კიდურებს ვერ გრძნობს, ვერ დგება და ვერ გადადგილება დამოუკიდებლად. მე ამას ვაფასებ, როგორც დედა ეს არის წინაპირობა ლეტალური პროცესის. ახლა მივმართავ ორ ადამიანს საქართველოში - ეს არის გენერალური პროკურორი გაბიტაშვილი და მოსამართლე იზა კელენჯერიძე - თქვენ ხართ მკვლელები, თქვენ არ გაგივათ სანდრო გირგვლიანი. იზა კელენჯერიძეს მივმართავ, პატარა შვილთან ერთად მოვიდეს, შევიდეთ და ვნახოთ ჩემი შვილი. შენი უკანონო გადაწყვეტილების გამო ჩემი შვილი ეხლა შიმშილობს და ვერ გადაადგილებდა. თქვენ ხართ მკვლელები.

მე მივმართავ არასამათავრებო ორგანიზაციებს და იმ პოლიტიკურ პარტიებს, რომლებსაც რაღაცა გეთქმით, ამოიღეთ ხმა. ერთადერთი ვისი იმედიც მაქვს ეს არის სინდისის პატიმრის მშობლები. თქვენ ხართ ყველაზე დიდი მებრძოლი ადამიანები და ყველაზე დიდი პატრიოტები ამ ქვეყნის", - ამბობს ეკა წერეთელი.

ცნობისთვის, დიდი ოდენობით თანხის უკანონოდ მითვისებისთვის ბრალდებულ ბიზნესმენ გიორგი ჩიკვაიძეს აღკვეთის ღონისძიება შეუცვალეს – 50,000-ლარიანი გირაოს ნაცვლად, მას პატიმრობა შეეფარდა. პროტესტის ნიშნად, დაკავებიდან მეორე დღეს, გიორგი ჩიკვაიძემ შიმშილობა დაიწყო.

წყარო.