პოლიტიკა

„მაუწყებლის კანონთან“ დაკავშირებით პრეზიდენტი ორშაბათს შეხვედრას გამართავს

ორშაბათს საქართველოს პრეზიდენტი გიორგი მარგველაშვილი „მაუწყებლის შესახებ“ კანონში ცვლილებებთან დაკავშირებით მედიის, მესამე სექტორის წარმომადგენლებსა და ამ საკითხით დაინტერესებულ მხარეებს შეხვდება.

პრეზიდენტის საპარლამენო მდივნის ანა დოლიძის განცხადებით, საკანონმდებლო ცვლილებები ეხება მნიშვნელოვან საკითხს- მედიასა და ობიექტურის მაუწყებლის შენარჩუნებას.

„ამასთან დაკავშირებით, საზოგადოებაში გამოითქვა ბევრი კრიტიკა და შენიშვნა, ამიტომ საქართველოს პრეზიდენტი აპირებს, შეხვდეს ყველა იმ მხარეს, რომლებმაც ეს მოსაზრებები გამოთქვეს: მედიისა და არასამთავრობო სექტორის წარმომადგენლებს, რათა ჩამოვყალიბდეთ იმ კრიტიკულ, ან ნაკლებად კრიტიკულ ასპექტებზე, რომლებსაც პარლამენტი იხილავს“,-თქვა ანა დოლიძემ, რომლის განცხადება პრეზიდენტის ადმინისტრაციის პრესსამსახურმა გაავრცელა.

საქართველოს პარლამენტმა „მაუწყებლობის შესახებ“ საკანონმდებლო პაკეტი მეორე მოსმენით 85 მომხრე ხმით, 6 წინააღმდეგ 14 დეკემბერს დაამტკიცა.