პოლიტიკა

მარტვილში მწიფდება პოლიტიკური კრიზისი, მის ესკალაციას „ქართული ოცნების“ რამდენიმე წევრი ხელს უწყობს - ოთარ დანელია

„მარტვილში მწიფდება პოლიტიკური კრიზისი“, - ამის შესახებ აგრარულ საკითხთა საპარლამენტო კომიტეტის თავმჯდომარემ, ოთარ დანელიამ პარლამენტის პლენარულ სხდომაზე განაცხადა.

დეპუტატის თქმით, ამ პროცესებში „ქართული ოცნების“ რამდენიმე წევრია ჩართული, რის გამოც სთხოვა ირაკლი კობახიძეს, ჩაერიოს სიტუაციის გარკვევაში.

„ჩვენ ამ თემასთან დაკავშირებით არაერთხელ გვქონდა საუბარი. მწიფდება პოლიტიკური კრიზისი, პირდაპირ შემიძლია ვთქვა, და ბატონო ირაკლი, მინდა თქვენ მოგმართოთ თხოვნით, როგორც „ქართული ოცნების“ აღმასრულებელ მდივანს, რომ ჩაერიოთ სიტუაციის გარკვევაში. ვინაიდან, ფაქტია, რომ არაჯანსაღი სიტუაციაა და მე მაქვს ინფორმაცია, რომ რამდენიმე ჩვენი თანაპარტიელი ხელს უწყობს ამ პრობლემის ერთგვარად ესკალაციას“, - მოუწოდა დანელიამ კობახიძეს.