პოლიტიკა

მართლაც არათავსებადად მოხდა სხვადასხვა წერტილში ცეცხლის გაჩენა - ირაკლი სესიაშვილი

პარლამენტის თავდაცვისა და უშიშროების კომიტეტის თავმჯდომარე, ირაკლი სესიაშვილი საქართველოში ბოლო დღეებში გახშირებულ ხანძრებს გამოეხმაურა. მისი ვარაუდით, ცეცხლის გაჩენა სხვადასხვა ადგილას არათავსებადად მოხდა.

„გავრცელდა გარკვეული ინფორმაციები, თითქოსდა, შესაძლოა, საქმე გვქონდეს დივერსიასთან. მართლაც არათავსებადად მოხდა სხვადასხვა წერტილში ცეცხლის გაჩენა, რომლის საფუძველი შეიძლება არც არსებობდა, ამიტომ, გამოძიებამ ნებისმიერ შემთხვევაში უნდა დაადგინოს საერთო ჯამში რა იყო მიზეზი ამ ცეცხლის კერების“, - თქვა სესიაშვილმა.

მისი ინფორმაციით, გამოძიება დივერსიის შესაძლებლობას განიხილავს.

„ყველა შესაბამისი საფუძველი ან ინფორმაცია უნდა გადამოწმდეს. შსს-მ უკვე დაიწყო გამოძიება, თუმცა ამ ეტაპზე ჩვენ კონკრეტულად ვისაუბროთ დივერსიაზე, არ იქნება სწორი, თუმცა ვერსიად არის, რა თქმა უნდა, და ამას გამოძიება დაადგენს“,- განაცხადა ირაკლი სესიაშვილმა.

ანა მებურიშვილი