სამართალი

მარნეულში არაადამიანური და დამამცირებელი მოპყრობის მსხვერპლი რუსთავის საოლქო პროკურატურაში გამოკითხეს

მარნეულში არაადამიანური და დამამცირებელი მოპყრობის მსხვერპლი ელჩინ ალახვერდიევი, რომლის ადგილსამყოფელიც ოჯახის წევრებისთვის უცნობი იყო, რუსთავის საოლქო პროკურატურაში გამოკითხვაზე იმყოფებოდა.

ამის შესახებ “მედიანიუსს” პროკურატურაში განუცხადეს.

,,ვესაუბრეთ უკვე მის ვაჟს, ოჯახს და საქმის კურში ჩავაყენეთ, რომ ყველაფერი კარგად არის და გამოკითხვაზე იმყოფებოდა რუსთავის საოლქო პროკურატურაში“, - აცხადებენ უწყებაში.

მარნეულში ჯგუფურად განხორციელებული არაადამიანური და დამამცირებელი მოპყრობის ფაქტზე პროკურატურამ გამოძიება დაიწყო. დაკავებულია მარნეულის მერი თემურ აბაზოვი და პასუხისგებაშია მიცემული სამი პირი.

კერძოდ, პროკურატურის ინფორმაციით, მოქალაქის ცემის ფაქტზე სისხლის სამართლებრივი დევნა დაიწყო პარლამენტის წევრის აზერ სულეიმანოვის, მარნეულის მუნიციპალიტეტის საკრებულოს წევრის, პარტია „ქართული ოცნებიდან“ რამინ ალახვერდიევის და მარნეულის მერის ნათესავის მიმართ.

ნინო ექვთიმიშვილი