პოლიტიკა

მარიამ ჯაში გაეროს მოსახლეობის ფონდის აღმოსავლეთ ევროპისა და ცენტრალური აზიის რეგიონულ მრჩეველს და და ოფისის ხელმძღვანელს შეხვდა

განათლების, მეცნიერებისა და კულტურის კომიტეტის თავმჯდომარე მარიამ ჯაში გაეროს მოსახლეობის ფონდის (UNFPA) აღმოსავლეთ ევროპისა და ცენტრალური აზიის რეგიონულ მრჩეველს, თამარ ხომასურიძეს და გაეროს მოსახლეობის ფონდის (UNFPA) საქართველოს ოფისის ხელმძღვანელს, ლელა ბაქრაძეს შეხვდა.

პარლამენტის ინფორმაციით, შეხვედრაზე განათლებისა და მეცნიერების სფეროში UNFPA -ის რეგიონულ და ქვეყნის ოფისებთან ურთიერთთანამშრომლობის პრესპექტივები განიხილეს. მხარეებმა ისაუბრეს მიმდინარე წლის მარტის თვეში ნიუ-იორკში დაგეგმილი ვიზიტის „ქალთა სტატუსის კომისიის 61-ე სესია“ დეტალებზე და მოსალოდნელი შეხვედრის თაობაზე გაეროს განვითარების ფონდის ხელმძღვანელობასთან და საქართველოს პარლამენტის წევრებთან.

შეხვედრაზე მიმოიხილეს ის საკითხები, რომელიც უნდა დაინერგოს განათლების სისტემაში, კერძოდ:
სკოლებში ცხოვრების ჯანსაღი წესის დამკვიდრება და პოპულარიზაცია;

ადრეული ქორწინების პრევენცია განათლების სისტემის აქტიური ჩართულობით;

დიპლომის წინა და დიპლომის შემდგომი უმაღლესი სამედიცინო განათლების სისტემაში საერთაშოროსო დონეზე სერტიფიცირებული, UNFPA რეგიონული საგანმანათლებლო პროგრამების დანერგვა.