პოლიტიკა

მაქვს ამბიცია, რომ მქონდეს გავლენა ჩემს პარტიაში- გიგა ბოკერია

ნაციონალური მოძრაობის წევრი გიგა ბოკერია, ჩიორა თაქთაქიშვილის ბრალდებას პასუხობს და აცხადებს, რომ რომელ არაფორმალურ მმართველობაზეა საუბარი, როდესაც იგი მოქმედი პოლიტიკოსი და საჯარო პირია.

ბოკერია ხაზს უსვამს, რომ ნორმალურია, როდესაც პარტიის შიგნით მწვავე დისკუსია არსებობს, მაგრამ მისთვის სამწუხაროა, რომ მისი კოლეგა, „ოპონენტების მსგავსად, უსინდისო ბრალდებებს ისვრის“.

„პარტიის შიგნით კონკურენცია და მწვავე კრიტიკა არის ნორმალური და ეს გამოარჩევს ნაციონალურ მოძრაობას, მაგალითად, „ოცნებისგან“, სადაც ივანიშვილს ბატონობის გარეშე ვერ იხსენიებენ, სადაც არ შეიძლება რომ იყოს მწვავე დისკუსია. სამწუხაროა, რომ ამ მწვავე დისკუსიას ახლავს თურმე ბინძური მეთოდები და ვწუხვარ, როდესაც ჩემი ზოგიერთი კოლეგა, ჩვენი პოლიტიკური ოპონენტების მსგავსად, იგივენაირი ტალახის სროლას, იგივენაირი უსინდისო ბრალდებებს ისვრის, ზოგადად. მე არაფორმალურ მმართველობაზე არ ვსაუბრობ. რაც შეეხება ამ აბსურდს, მე ვარ მოქმედი პოლიტიკოსი, საჯარო პირი, რომელ არაფორმალურ მმართველობაზეა ლაპარაკი?. მაქვს ამბიცია, რომ ვიყო აქტიური პოლიტიკოსი და მქონდეს გავლენა ჩემს პარტიაში და ჩემი პარტიის გარეთ“,-აღნიშნა ბოკერიამ.

მონიკა დავლიანიძე