პოლიტიკა

მამუკა მდინარაძე-„ევროპული საქართველოს“ ინიციატივაზე: ვერ ერკვევიან საერთო სახალხო განხილვის არსში

ფრაქცია „ქართული ოცნების“ თავმჯდომარის მამუკა მდინარაძის განცხადებით, იმისათვის რომ ქვეყანამ კარგი კონსტიტუცია მიიღოს, ის სპეციალისტებმა უნდა დაწერონ, შემდეგ პოლიტიკოსებმა და ხალხმა განიხილონ, ხოლო შემდეგ პარლამენტმა დაამტკიცოს.

მდინარაძის თქმით, ეს არის ოქროს წესი.

ამის შესახებ მდინარაძემ „ევროპული საქართველოს“ ინიციატივის კომენტირებისას განაცხადა, რომლის მიხედვით, პრეზიდენტის არჩევის წესსა და საარჩევნო სისტემასთან დაკავშირებით პლებისციტი უნდა ჩატარდეს.

„კონსტიტუციას წერენ სპეციალისტები, პოლტიკოსებთან ერთად განიხილავს ხალხი და იღებს პარლამენტი. ეს არის ოქროს წესი, თუ გვინდა, რომ მივიღოთ რეალური და კარგი კონსტიტუცია. ამ განცხადების ავტორი და ავტორები ვერ ერკვევიან საერთო სახალხო განხილვის არსში. აქედან გამომდინარე, ჩვენი პასუხი ბუნებრივია დადებითი ამაზე ვერ იქნება“,-აღნიშნა მდინარაძემ.

მონიკა დავლიანიძე