პოლიტიკა

მამუკა მდინარაძე 85 არასამთავრობო ორგანიზაციის მიმართვას საზოგადოების შეცდომაში შეყვანის მცდელობად აფასებს

საპარლამენტო უმრავლესობის წევრის, მამუკა მდინარაძის განცხადებით, 85 არასამთავრობო ორგანიზაციის მიმართვა, რომელშიც ისინი მანდატების განაწილების წესის შეცვლასა და საარჩევნო ბარიერის 3%-მდე დაწევას ითხოვენ, საზოგადოების შეცდომაში შეყვანის მცდელობაა.

მდინარაძის თქმით, ამავე ლოგიკით მაჟორიტარული სისტემაც არღვევს თანასწორობის პრინციპს, მიუხედავად იმისა, რომ მთელ მსოფლიოშია ლეგიტიმური.

როგორც NGO-ებმა პარლამენტისადმი ერთობლივ მიმართვაში დაწერეს, გადაუნაწილებელი მანდატების მხოლოდ პირველ ადგილზე მყოფი პარტიისთვის გადაცემა, 5%-იანი საარჩევნო ბარიერი და საარჩევნო ბლოკების გაუქმება პროპორციული სისტემის პირობებში კი ვერ უზრუნევლყოფს პარლამენტში პოლიტიკური პარტიების პროპორციულ წარმომადგენლობასა და მდგრადი მრავალპარტიული სისტემის დამკვიდრებას. მათი აზრით, ირღვევა სამართლიანი არჩევნების თანასწორობის პრინციპი.

ანა მებურიშვილი