სამართალი

მალხაზ კობაურის ადვოკატები დაკავებულის აღკვეთის ღონისძიების გარეშე დატოვებას ითხოვენ

ხადას ხეობაში მკვლელობაში ბრალდებულის, მალხაზ კობაურის ადვოკატები დაკავებულის აღკვეთის ღონისძიების გარეშე დატოვებას ითხოვენ.

დაცვის მხარის განცხადებით, პროკურატურას საქმის რეზონანსულობიდან გამომდინარე სურდა, რომ დანაშაული ცხელ კვალზე გაეხსნა და ამიტომ დააკავეს 19 წლის მალხაზ კობაური.

ადვოკატის თქმით, საქმეში არ არსებობს მისი ბრალეულობის დამადასტურებელი მტკიცებულებები. დაცვის მხარის განცხადებით, არსებობს მხოლოდ კობაურის აღიარებითი ჩვენება, რომელიც მან მოგვიანებით შეცვალა.

„მეჩვენება, რომ ეს საქმე არის ნაჩქარევად გახსნილი, რადგან არიან ამერიკის მოქალაქეები და რეზონანსული საქმეა. საქმის მასალები გადმოგვეცა დარღვევით, პროცესამდე ერთი საათით ადრე. ასევე საგამოძიებო მოქმედებები მალხაზ კობაურს ჩაუტარდა ნაჩქარევად, თუნდაც ნიმუშების აღება სხეულიდან. ეს არის დაცვის უფლების დარღვევა. სურთ, რომ საქმე სწრაფად გაიხსნას და დააკავეს ჩემი დაცვის ქვეშ მყოფი“, – განაცხადა ადვოკატმა.

მალხაზ კობაურის აღკვეთის ღონისძიების შეფარდების თაობაზე სასმართლო ამ წუთებში მსჯელობს. ადვოკატი ბრალდებულის აღკვეთის ღონისძიების გარეშე დატოვებას მოითხოვს.

ბრალდების მხარე კი პატიმრობას მოითხოვს.