პოლიტიკა

მაიკ პენსი შეძრწუნებულია სააკაშვილის საკითხზე - ნიკა მელია

„ერთიანი ნაციონალური მოძრაობის“ ლიდერის, ნიკა მელიას განცხადებით, აშშ-ის ვიცე-პრეზიდენტ მაიკ პენსთან შეხვედრაზე საქართველოს შიდა და საგარეო საკითხების გარდა მან ისაუბრა მიხეილ სააკაშვილზე.

„გვქონდა საუბარი მიხეილ სააკაშვილზე, როგორც ცალკე აღებულ ადამიანზე, რომელმაც მნიშვნელოვანი რეფორმები გაატარა ამ ქვეყანაში და სახელმწიფო აქცია წარმატებულ სახელმწიფოდ. ზოგადად ის, რომ ხელისუფლება დევნის პოლიტიკურ ოპონენტებს და რა ინსტრუმენტებს გამოიყენებს საამისოდ, ამის შესახებაც გვქონდა საუბარი. მინდა დაგიდასტუროტ, რომ ბევრი ვისაუბრე ამ საკითხთან დაკავსირებით, და თუ დამიტოვებთ უფლებას, მეტს ამ წუთას ამ თემაზე არ ვისაუბრებ“, - განაცხადა „კურიერთან“ ინტერვიუში მელიამ.

ჟურნალისტის შეკითხვაზე, რა უპასუხა მაიკ პენსმა სააკაშვილთან დაკავშირებით, მელიამ განაცხადა, რომ „ის შეძრწუნებულია“, რომ იდევნება ქვეყნის ექს-პრეზიდენტი და „ადგილი აქვს შურისძიებას“ მთავრობის მხრიდან.

აშშ-ის ვიცე-პრეზიდენტი მაიკ პენსი საქართველოში ვიზიტის ფარგლებში ოპოზიციის წარმომადგენლებს შეხვდა.

ანა მებურიშვილი