სამართალი

მაია რჩეულიშვილი გარეთ არ უნდა გამოვიდეს, მას ჯანმრთელობის პრობლემა არ ეტყობა, დასცინიან მთელს საქართველოს - ცენტრ პოიტნის დაზარალებულები

სამშენებლო კომპანია ცენტრ პოინტის, ამხანაგობა „ღრმაღელეს“ დაზარალებულების განცხადებით, საქმეზე ერთ-ერთი ბრალდებული მაია რჩეულიშვილი არ უნდა გათავისუფლდეს.

როგორც ამხანაგობა „ღრმაღელეს“ ერთ-ერთმა წარმომადგენელმა, თამარ ფირცხალაიშვილმა პრესკონფერენციაზე განაცხადა, მათ არ სჯერათ, რომ რჩეულიშვილს ჯანმრთელობის პრობლემები აქვს, მისი თქმით, რჩეულიშვილების ოჯახი, დაზარალებულებსა დ ა მთელ საქართველოს დასცინის.

მისი თქმით, დაზარალებულები საკუთარი ბინების მიღებას 2007 წლიდან ცდილობენ, თუმცა უშედეგოდ.

"მაია რჩეულიშვილი არავითარ შემთხვევაში გარეთ არ უნდა გამოვიდეს. გაფლანგულია ყველა ცენტი. რისთვის დაგვაზარალეს? რატომ მოგვექცნენ ასე, საინტერესოა?! ჩვენ ხომ ოჯახები გვყავს, ჩვენი ცხოვრება რადიკალურად შეიცვალა მათი თაღლითობის შემდეგ. მოლაპარაკების გზა მოჭრილია, ჩვენ არ ვართ დამნაშავებიო, თავიანთი ტყუილების თვითონვე სჯერათ, ინარჩუნებდნენ დუმილის უფლებას. გუკა რჩეულშვილი საერთოდ დაემალა სასამართლო გამოძიებას, არ გამოცხადდა. მარტო მაია რჩეულშვილი და გუკა რჩეულიშვილი კი არ არიან დამნაშავე, დამნაშავეა რუსუდან კერვალიშვილი, ვახტანგ რჩეულშვილი, ნიკო ბერიძე, მათი მენჯერები. ყველას, აბსოლუტურად ყველას აქვს ხელი მოწერილი ჩვენს საბუთებზე.

არავითარ შემთხვევაში მაია რჩეულშვილი გარეთ არ უნდა გამოვიდეს. ჩვენ ვნახეთ კადრები საავადმყოფოში გადაღებული, სადაც ის მშვენიერ ხასიათზეა, იცინის. უბრალოდ დაგვცინიან მთელს საქართველოს ", - აღნიშნა ფირცხალაიშვილმა.

მონიკა დავლიანიძე