სამართალი

მაღალი იერარქიის სასულიერო პირის მოწამვლის მცდელობის საქმეში ერთ-ერთი მოწმე ადვოკატი ირმა ჭკადუაა

მაღალი იერარქიის სასულიერო პირის მოწამვლის მცდელობის საქმეში ერთ-ერთი მოწმე, ადვოკატი ირმა ჭკადუაა.

ირმა ჭკადუამ ადასტურებს, რომ საქმეზე უკვე დაიკითხა და პროკურატურაში გაუთქმელობის დოკუმენტზე მანაც მოაწერა ხელი.

ამასთან, ადვოკატი ამბობს, რომ მისთვის უცნობია, ბრალდების მხარის მოწმეა ის თუ დაცვის მხარის.

,,გიდასტურებთ რომ მოწმე ვარ, მაგრამ ვისი მოწმე ვარ, ნამდვილად არ ვიცი. დადებული მაქვს ხელწერილი, რის საფუძველზეც არ მაქვს ინფორმაციის გახმაურების უფლება. მე ბრალდებამ გამომიძახა და დამკითხა ბრალდებამ. ინფორმაცია რაც ვიცოდი და რა კითხვებიც დამისვეს, გავეცი პასუხები. საიდან მაქვს ეს ინფორმაცია, ამასთან დაკავშირებით, ბუნებრივია, ამ ეტაპზე ხელწერილიდან გამომდინარე ვერ ვისაუბრებ’’, - აცხადებს ირმა ჭკადუა ტელეკომპანია ,,იმედთან’’ საუბარში.

ცნობისათვის: მთავარი პროკურატურის ინფორმაციით, დეკანოზი გიორგი მამალაძე მკვლელობის მომზადების ფაქტზე დააკავეს. გამოძიება დაიწყო 2017 წლის 2 თებერვალს ერთ-ერთი მოქალაქის განცხადების საფუძველზე, რომელმაც მომართა საქართველოს პროკურატურას და მიუთითა, რომ მისმა ნაცნობმა მამა გიორგი მამალაძემ სთხოვა სიცოცხლისთვის საშიში შხამიანი ნივთიერების - ციანიდის მოძიებაში დახმარება, რომლის გამოყენებითაც ამ უკანასკნელს, როგორც შეხვედრისას განმცხადებელმა გაარკვია, უნდა მოეხდინა მაღალი იერარქიის სასულიერო პირის სიცოცხლის ხელყოფა.

პროკურატურაში არ აკონკრეტებენ, იყო თუ არა ეს მაღალი იერარქიის სასულიერო პირი სრულიად საქართველოს კათოლიკოს- პატრიარქი.

ნინო ექვთიმიშვილი