სამართალი

მაგდა პაპიძე პრეზიდენტს შეწყალების თხოვნით მიმართავს

ქმრისა და შვილის მკვლელობისთვის უვადო პატიმრობაში მყოფი მაგდა პაპიძე, პრეზიდენტისთვის შეწყალების თხოვნით მიმართვას გეგმავს.

ამის შესახებ „პრაიმტაიმს“ მაგდა პაპიძის დამ ლანა პაპიძემ განუცხადა.

მისი თქმით, ამ პროცესს პაპიძის დედამთილის დარეჯან მინდიკაურის მიერ შეტანილი სარჩელი ართულებს, რომელიც მაგდა პაპიძეს ქონებას ედავება.

„შეწყალების თხოვნით მიმართავს საქართველოს პრეზიდენტს, თუმცა მინდა გითხრათ, რომ დედამთილის მიერ შეტანილი სარჩელი გარკვეულწილად ართულებს სიტუაციას ამ მიმართულებით. დარეჯან მინდიკაურმა ჩემი დის წინააღმდეგ შეიტანა სარჩელი და პატიმრობაში მყოფ ადამიანს ქონებას ედავება“,-თქვა ლანა პაპიძემ.

კითხვაზე, პრეზიდენტისადმი შეწყალების თხოვნით მიმართვა, ნიშნავს თუ არა, რომ მაგდა პაპიძე გარკვეულწილად აღიარებს დანაშაულს? ბრალდებულის და პასუხობს, რომ მისი და არჩადენილ დანაშაულს ვერ აღიარებს.

„არა, ჩემი და არჩადენილ დანაშაულს ვერ აღიარებს. პრეზიდენტისთვის მიმართვა არ ნიშნავს რაიმეს აღიარებას. შეისწავლოს საქმე პრეზიდენტმა და თავად დარწმუნდება ყველაფერში“,-განმარტა ლანა პაპიძემ.

მონიკა დავლიანიძე