სამართალი

ლომთათიძის ქუჩაზე 40 წლამდე მამაკაცი მოკლეს

თბილისში, ლომთათიძის ქუჩაზე 40 წლამდე მამაკაცი მოკლეს.

მეზობლების ინფორმაციით, მოკლული დავით ქმოსტელი, მეტსახელად „ძივითა”, ნიღბიანმა პირმა ჩაცხრილა.

მათივე ცნობით, დავით ქმოსტელი ამჟამად რუსეთში ცხოვრობდა და უბანში მეგობართან მიდიოდა.

„მანქანა გაჩერებულა. ნიღაბი ჰქონია გადაცმული იმ პიროვნებას, დაუხლია ტყვია და წასულა. ეზოში მოუკლავს. არავინ იცის რატომ და რისთვის“, - ამბობს ლომთათიძის ქუჩის მცხოვრები ივანე ბაქრაძე „რუსთავი 2“-თან საუბარში.

მომხრდარზე შინაგან საქმეთ სამინისტრომ გამოძიება განზრახ მკვლელობისა და ცეცხლსასროლი იარაღის შეძენა-შენახვის მუხლით დაიწყო.