პოლიტიკა

ლიტვა მოუწოდებს უკრაინას, მისცეს საშუალება მიხეილ სააკაშვილს, სასამართლოს წესით დაიცვას უკრაინის მოქალაქეობის აღდგენის უფლება - ლინას ლინკევიჩუსი

ლიტვა მოუწოდებს უკრაინას, მისცეს საშუალება მიხეილ სააკაშვილს, რომ სასამართლოს წესით დაიცვას უკრაინის მოქალაქეობის აღდგენის უფლება, - განუცხადა ჟურნალისტებს ლიტვის საგარეო საქმეთა მინისტრმა ლინას ლინკევიჩუსმა.

„სააკაშვილს უნდა მისცენ შესაძლებლობა, დაიცვას თავისი უფლებები გამჭვირვალე სასამართლოს გზით“, - განაცხადა ლინას ლინკევიჩუსმა.

მისივე თქმით, ოდესის ყოფილი გუბერნატორი საერთაშორისო სამართლის ნორმების თვალსაზრისით რთულ მდგომარეობაში აღმოჩნდა.

დიპლომატის განცხადებით, ლიტვა კვლავ მტკიცედ უჭერს მხარს უკრაინას, თუმცა ამავე დროს, მოითხოვს, რომ უკრაინაში არ შეიზღუდოს ოპოზიციის უფლებები.

შეგახსენებთ, რომ გასულ კვირას, ევროპარლამენტის ლიტველი დეპუტატი, პიატრას აუშტრავიჩუსი მიხეილ სააკაშვილისთვის ლიტვის მოქალაქეობის მინიჭების ინიციატივით გამოვიდა.

ნინო ექვთიმიშვილი