სამართალი

ლევან ყიფიანი ზაზა ოქუაშვილს ღირსების შელახვისთვის უჩივის

სპორტის ყოფილი მინისტრი ლევან ყიფიანი ომეგა ჯგუფის დამფუძნებელს ზაზა ოქუაშვილს ღირსების შელახვისთვის უჩივის.

„ვამზადებთ სარჩელს, რომელიც უნდა შევიტანოთ თბილისის საქალაქო სასამართლოში პატივის, ღირსებისა და საქმიანი რეპუტაციის შელახვის ფაქტზე ბატონ ოქუაშვილის წინააღმდეგ ლევან ყიფიანის მიმართ და ასევე საჩივარს ბატონი ოქუაშვილის წინააღმდეგ თაღლითობის ფაქტზე,“- განაცხადა ყიფიანის ადვოკატმა შალვა ხაჭაპურიძემ.

ადვოკატი ლონდონის საექსპერტო ბიუროს დასკვნას, რომელმაც ჩანაწერის ავთენტურობა დაადასტურა, უნდობლობას უცხადებს.

„როდესაც არ აღებულა ხმის ნიმუშები არც ყიფიანისგან, მე როგორც ვიცი, არ გაუჟღერებიათ არც ოქუაშვილისგან ამის ავთენტურობაზე საუბარი, არათუ საქართველოს კანონმდებლობით, მათ შორის ჰააგის სასამართლოს, სტრასბურგის სასამართლოს სტანდარტით უხერხულია,“-აცხადებს ხაჭაპურიძე.