სამართალი

ლევან ყიფიანი „ტვ იბერიასა“ და „ომეგა ჯგუფის“ საქმეზე პროკურატურაში მივიდა

თბილისის პროკურატურაში სპორტისა და ახალგაზრდულ საქმეთა ყოფილი მინისტრი ლევან ყიფიანი მივიდა. ის ტელეკომპანია „იბერიასა“ და „ომეგა ჯგუფის“ ირგვლივ მიმდინარე პროცესებთან დაკავშირებითაა დაბარებული.

ყიფიანს საგამოძიებო ორგანოში შესვლამდე კომენტარი არ გაუკეთებია.

პროკურატურაში მასთან ერთად ადვოკატი შალვა ხაჭაპურიძეც შევიდა. არც მას არ გაუკეთებია კომენტარი.

ცნობისთვის, რუსთავი 2-მა 14 სექტემბერს „იბერიას“ საქმეზე მორიგი ფარული აუდიოჩანაწერი გააავრცელა, რომლის მიხედვით, სავარაუდოდ, ლევან ყიფიანი და „ომეგა ჯგუფის“ მფლობელი ზაზა ოქუაშვილი საუბრობენ. აუდიოჩანაწერში საუბარია სამ მილიონზე, რომლიდანაც ნაწილი ბიუჯეტში უნდა შეიტანონ, ნაწილი კი კონტრიბუციის სახით უნდა გადაიხადოს „ომეგა ჯგუფმა“.