პოლიტიკა

ლეონიდ კალაშნიკოვი 2013 წელს ქვეყანაში არ შემოვუშვით როგორც ევროსაბჭოს საპარლამენტო ასამბლეის წევრიც კი - თინა ხიდაშელი

„ლეონიდ კალაშნიკოვი საქართველოში გეგმავს ჩამოვლასო. მერე რომ არ თქვან არ ვიცოდითო, ლეონიდ კალაშნიკოვი ის კაცია, რომელიც „ოკუპირებული ტერიტორიების შესახებ“ კანონის დარღვევის გამო, 2013 წელს თედო ჯაფარიძის და ჩემი რეკომენდაციით და მაშინდელი პრემიერის, ბიძინა ივანიშვილის გადაწყვეტილებით, ქვეყანაში არ შემოვუშვით არა როგორც რუსი დეპუტატი, არამედ როგორც ევროსაბჭოს საპარლამენტო ასამბლეის წევრიც კი“, - ასე გამოეხმაურა თავდაცვის ყოფილი მინისტრი თინათინ ხიდაშელი რუსი დეპუტატების შესაძლო ჩამოსვლის შესახებ გავრცელებული ინფორმაციას.

„მაშინ არც კი უფიქრია მაშინდელ პრემიერს, როდესაც ვითარება გავაცანით, მიუხედავად იმისა, რომ პროცედურულად სანქციას დაგვადებდა ევროსაბჭო, მაშინვე დაგვთანხმდა. იმედია, არაფერი შეიცვლება დღეს“, - წერს ყოფილი თავდაცვის მინისტრი„facebook“-ის საკუთარ გვერდზე.

ცნობისათვის, რუსეთის სახელმწიფო დუმა-ს დსთ-ს ქვეყნების კომიტეტის თავმჯდომარე ლეონიდ კალაშნიკოვმა განაცხადა, რომ „პატრიოტთა ალიანსის“ მოწვევით, რუსეთის დუმას დეპუტატებისგან შემდგარი დელეგაცია საქართველოში ჩამოვა, რასაც საპარლამენტო უმრავლესობის ლიდერი არჩილ თალაკვაძე კრიტიკულად გამოეხმაურა.