პოლიტიკა

ლელა ქებურიამ სოფელ ეგრეტის ინციდენტში მონაწილე პირები დაასახელა

„ევროპული საქართველოს“ ზუგდიდის მერობის კანდიდატმა ლელა ქებურიამ გუშინ, ეგრეტის იცნიდენტში მონაწილე პირები დაასახელა.

როგორც ქებურიამ ბრიფინგზე აღნიშნა, მის ქმარს და პარტიის აქტივისტებს „ქართული ოცნების“ ერგეტის მაჟორიტარი დეპუტატობის კანდიდატი ზვიად ყორშია და შტაბის წევრები რუბენ შელია, კუკური შელია, როინი მიქაია, მამუკა სიჭინავა, ნიკა მაქაცარია და დავით კოდუას მამა - ოთარ კოდუა დაესხნენ თავს.

„ყველამ კარგად იცით, როგორ განვითარდა მოვლენები. ჩვენ სამ ქალს კოდუამ გვიწოდა ზონდერები. მაშინ, როდესაც მთავარი ზონდერი გოგია და კოდუას მამა-ოთარ კოდუა არიან, რომელმაც ხელი დაარტყა ალექსანდრე ღვინჯილიას. გუშინდელ ინციდენტში მონაწილეობდნენ „ქართული ოცნების“ ერგეტის მაჟორიტარი დეპუტატობის კანდიდატი ზვიად ყორშია, ასევე, მმართველი პარტიის შტაბის წევრები რუბენ შელია, კუკური შელია, როინი მიქაია, ასევე, მამუკა სიჭინავა, ნიკა მაქაცარია და დავით კოდუას მამა ოთარ კოდუა.

ეს გვარები კარგად დაიმახსოვროს შსს-მ და ერთხელ და სამუდამოდ დააყენონ იმის პრეცედენტი, რომ ძალადობა არ უნდა დარჩეს დაუსჯელი და წინასაარჩევნოდ ძალადობის წაქეზება ნიშნავს იმას, რომ არასდროს არ გვექნება კარგი წინასაარჩევნო გარემო და რომ ჩვენ ყოველთვის გვექნება კორცხელის საშიშროება“,- განაცხადა ქებურიამ.

ლელა ქებურიას მეუღლის, გია ჯიქიას თქმით,კი მას და პარტიის აქტივისტ ალექსანდრე ღვინჯილიას სოფელ ერგეტაში 20-მდე ადამიანი ფიზიკურად გაუსწორდა.

ჯიქიას ინფორმაციით, თავდამსხმელები „ქართული ოცნების“ მხარდამჭერები იყვნენ.

მომხდარს გუშინვე, „ქართული ოცნების“ ზუგდიდის საარჩევნო შტაბის ხელმძღვანელი დავით კოდუა გამოეხმაურა და განმარტა, რომ ერგეტში ადგილი შეხლა-შემოხლას ქონდა, თუმცა ამის მიზეზი გახდა, ის რომ ლელა ქებურიას მეუღლემ საკუთარი ავტომობილიდან „ქართული ოცნების“ შტაბის წევრებს სიტყვიერი შეურაცხყოფა მიაყენა.

მომხდარზე შსს-მ გამოძიება 126-ე მუხლით დაიწყო..

მონიკა დავლიანიძე