სამართალი

ლეილა მუსტაფაევა იმ პირთა ფოტო და ვიდეო მასალას გაასაჯაროვებს, ვინც მას და მის მეუღლეს უთვალთალებდა

თბილისიდან გაუჩინარებული აზერბაიჯანელი ჟურნალისტის აფგან მუხთარლის მეუღლე ლეილა მუსტაფაევა იმ პირთა ფოტო და ვიდეო მასალას გაასაჯაროვებს, ვინც მისი თქმით, მას და მის მეუღლეს უთვალთვალებდა.

როგოროც მუსტაფაევამ ჟურნალისტებს განუცხადა,საქართველოს პროკურატურას ამ დროდმე გამოძიების მიმდინარეობის შესახებ არანაირი ინფორმაცია არ გამოუქვეყნებია.

„პროკურატურას ამ დრომდე არ გამოუქვეყნებია რაიმე სახის ინფორმაცია გამოძიების შესახებ. არ ვიცი მოხდა თუ არა იმ პირების იდენტიფიცირება, რომლებიც გვითვალთვალებდნენ. ამიტომ, გადავწყვიტეთ ჩვენს მიერ მოპოვებული ფოტო და ვიდეო მასალა სოციალური მედიის საშუალებით გავავრცელოთ. ამ დრომდე ძალოვანი სტრუქტურების ქმედებებს ველოდებით, თუმცა მათ არაფერი გააკეთეს, ამიტომ მე ისევ აქტიურ ქმედებებზე გადავალ.

კიდევ ერთხელ მივმართავ ევროკავშირს და ვაცნობებ, რომ საქართველოში საქმის გამოძიება არ მოხდა. ვთვლი, რომ ეს გადაწყვეტილება ხელისუფლების მაღალი რანგის წარმომადგენლებმა მიიღეს. “ქართულმა ოცნებამ“ გადაწყვიტა, რომ ეს გამოძიება არ ჩატარდეს. ვფიქრობ, ისინი აზერბაიჯანულ მთავრობას გაურიგდნენ. ამ დრომდე ველოდები პასუხებს პროკურატურისგან, შინაგან საქმეთა მინისტრისა და საქართველოს პრემიერ-მინისტრისგან კითხვაზე, თუ რა მოუვიდა ჩემს მეუღლეს“, -აღნიშნა ლეილა მუსტაფაევამ.

მონიკა დავლიანიაძე