სამართალი

ლაშა თორდია მოწმეებს ღიად ემუქრება - ოთარ ფარცხალაძის ადვოკატები

ყოფილი მთავარი პროკურორის, ოთარ ფარცხალაძის ადვოკატები, მთავარ აუდოტორს ლაშა თორდიას, კაფე-ბარ „ელ-ცენტროში“ მყოფ მოწმეების მუქარაში ადანაშაულებენ.

როგორც პრესკონფერენციაზე ფარცხალაძის ადვოკატმა მერაბ ჩიქოვანმა განაცხადა, ინფორმაციის მოგროვების პროცესში, მათ არაერთმა ნეიტრალურმა პირმა, რომელიც ინციდენტის საღამოს ბარში იმყოფებოდა, გამოკითხვაზე უარი განუცხადა.

„ინფორმაციის შეგროვების დროს უკვე არაერთმა ნეიტრალურმა პირმა, რომელიც სტუმრობდა მოცემულ კაფე-ბარს და იყო თვითმხილველი მომხდარისა, გამოკითხვაზე უარი განაცხადა. მათი მხრიდან აპელირება გაკეთდა ლაშა თორდიას სატელევიზიო განცხადებაზე, სადაც ეს უკანასკნელი, ცინიზმით მოისხენიებს საკუთარ თანამოქალაქეებს, „ვითომ მოწმეებს“ უწოდებს და აცხადებს, რომ მათ აუცილებლად მოსთხოვს პასუხს. ბატონი თორდიას მუქარები ამით არ დასრულებულა, ის უკვე საჯაროდ არის გადასული ადვოკატისა და ბატონ ოთარ ფარცხალაძის ირიბ მუქარაზე“,-აღნიშნა ადვოკატმა.

ფარცხალაძის კიდევ ერთმა უფლედამცველმა გაგი მოსიაშვილმა კაფე-ბარ „ელ-ცენტროს“ ადმინისტრაციას მიმართავს, რომ მაღალი საზოგადოებრივი ინტერესიდან გამომდინარე, გაასაჯაროვოს მათ ხელთ არსებული ვიდეოჩანაწერი.

„ჩვენ ვთხოვთ, თქვენი მეშვეობით, თქვენი დახმარებით, მოვუწოდებთ შესაბამისი კაფე-ბარის, თუ რესტორნის ადმინისტრაციას, რომ იქნებ დააკმაყოფილონ ჩვენი მოთხოვნა განცხადების სახით, რომელიც მიმართული გვაქვს და ამ ვიდეო ჩანაწერის გასაჯაროება მოხდეს, მაღალი საზოგადოებრივი ინტერესიდან გამოდმინარე“,-აღნიშნა მოსიაშვილმა.

მონიკა დავლიანიძე