პოლიტიკა

ყველაფერზე ხელის მომწერები არიან, ნებისმიერ შემთხვევაში უნდა ასიამოვნონ ბიძინა ივანიშვილს - ზალიკო უდუმაშვილი

თბილისის საკრებულოში ერთმანეთს ოპოზიციისა და „ქართული ოცნების“ მხარდამჭერები დაუპირისპირდნენ, შედეგად ვერ მოხერხდა სხდომის დაწყება, რომელზეც უნდა განეხილათ ბიძინა ივანიშვილისთვის ტერიტორიების გადაცემის საკითხი სიმბოლურ ფასად.

ზაალ უდუმაშვილის განცხადებით, პროვოკაცია „ქართული ოცნების“ მხარდამჭერებმა დაიწყეს.

“ყველაფერზე ხელის მომწერები არიან, ნებისმიერ შემთხვევაში უნდა ასიამოვნონ ბიძინა ივანიშვილს, ორ ქალაქში ერთად მიიტანეს შეტევა, ორი ქალაქის ბოტანიკურ ბაღებზე, ბათუმში და თბილისში, მაგრამ არ გამოუვა, არ გავატანინებთ ამ წინადადებას, არ მივცემთ თბილისის ტერიტორიას ბიძინა ივანიშვილს. სხდომის ჩაშლა არ გვიცდია, სხდომას შლიან თვითონ, შემოდიან და შეურაცხყოფას გვაყენებენ ქვემოდან, უნამუსოები“, - განაცხადა ზაალ უდუმაშვილმა.

სხდომათა დარბაზში სიტუაციის გასანეიტრალებლად, უსაფრთხოების სამსახურის თანამშრომლები შევიდნენ.

დაპირისპირების გამო „ნაციონალური მოძრაობის“ თბილისის მერობის კანდიდატი ზაალ უდუმაშვილი და პარტიის მხარდამჭერები თბილისის საკრებულოს სხდომიდან გააძევეს.