პოლიტიკა

ყველაფერს ვაკეთებთ კონგოში ჩვენი მოქალაქეების უფლებების დასაცავად - ლევან იზორია

საქართველოს თავდაცვის მინისტრმა ლევან იზორიამ განაცხადა, რომ მთავრობა ყველაფერს გააკეთებს კონგოში მყოფი საქართველოს მოქალაქეების უფლებების დასაცავად.

„საგარეო საქმეთა სამინისტრო არის კონგოს მთავრობასთან კონტაქტში და მიმდინარეობს ინფორმაციის დეტალური დამუშავება, დაკონკრეტება. სამწუხაროდ, ჩვენ საქმე გვაქვს ამბოხებულებთან და შესაბამისად, კომუნიკაცია გარკვეულ სპეციფიკასთანაა დაკავშირებული, თუმცა, როგორც ვთქვი, ძალ-ღონეს არ იშურებს მთავრობა, რომ თითოეული მოქალაქის უფლებები იყოს დაცული“, - განაცხადა ლევან იზორიამ.

შეგახსენებთ, რომ დღეს საგარეო საქმეთა სამინისტრომ დაადასტურა ინფორმაცია, რომ კონგოში ვერმტფრენის ჩამოვარდნის შედეგად ადგილობრივმა დაჯგუფებამ ტყვედ აიყვანა ერთი საქართველოს მოქალაქე, ხოლო მეორე მოქალაქე დაიჭრა და მას მკურნალობას უტარებენ კონგოს ქალაქ გომაში.
გავრცელებული ინფორმაციით, კონგოში მყოფი ქარტველები ყოფილი სამხედროები არიან.

ანა მებურიშვილი