პოლიტიკა

ყველაფერი, რაც ხდება, არის სპეცოპერაცია ოპოზიციის მხრიდან, ეს არის უცხოური სპეცოპერაცია, რომელშიც თანაბრად იყვნენ ჩართული როგორც „ნაცმოძრაობა“, „ახალი“, ისე „ლელო“ - ირაკლი კობახიძე

ყველაფერი, რაც ხდება, არის სპეცოპერაცია ოპოზიციის მხრიდან. ეს ყველაფერი არის უცხოური სპეცოპერაცია და ამ უცხოურ სპეცოპერაციაში თანაბრად იყვნენ ჩართული როგორც „ნაცმოძრაობა“, „ახალი“, ისე „ლელო“ და გახარია, – ამის შესახებ საქართველოს პრემიერ-მინისტრმა, ირაკლი კობახიძემ ჟურნალისტებს შანხაიში განუცხადა.

კობახიძის თქმით, ისინი ყველა ერთად იყვნენ ჩართული უცხოურ სპეცოპერაციაში საქართველოს ეროვნული ინტერესების წინააღმდეგ.

„ვფიქრობ, ყველაფერი, რაც ხდება, არის სპეცოპერაცია ოპოზიციის მხრიდან. ყველაფერი არის ერთი დიდი სპეცოპერაცია საქართველოს ეროვნული ინტერესების წინააღმდეგ. 2020 და 2024 წლის საბოტაჟი, რევოლუციის ხუთი მცდელობა, რომელიც ჩვენ გამოვიარეთ ამ ოთხი წლის განმავლობაში, ეს ყველაფერი არის უცხოური სპეცოპერაცია და ამ უცხოურ სპეცოპერაციაში თანაბრად იყვნენ ჩართული როგორც „ნაცმოძრაობა“, „ახალი“, ისე „ლელო“ და გახარია. აქედან გამომდინარე, ერთმანეთისკენ თითის გაშვერა მათი მხრიდან არ არის სწორი. ისინი, ყველანი ერთად, იყვნენ ჩართული უცხოურ სპეცოპერაციაში საქართველოს ეროვნული ინტერესების წინააღმდეგ“, – განაცხადა პრემიერმა.