პოლიტიკა

ყველა მიმართულებით ვიმუშავებთ, რომ ოკუპანტების წარმომადგენლობა ჩვენს ტერიტორიაზე დასრულდეს - მიხეილ ჯანელიძე

საქართველოს საგარეო საქმეთა მინისტრის, მიხეილ ჯანელიძის განცხადებით, ოკუპირებულ სამხრეთ ოსეთში რუსეთის საგანგებო და სრულუფლებიან ელჩად დანიშნული მარატ კულახმეტოვის შესახებ „კომენტარი არ შეიძლება იყოს“.

როგორც ჯანელიძემ აღნიშნა, ისინი ყველა მიმართულებით მუშაობენ, რათა საქართველოს ტერიტორიული მთლიანობა აღდგეს.

„ეს არის ოკუპანტის მიერ წარდგენილი კიდევ ერთი მათი წარმომადგენელი. ყველა მიმართულებით ვიმუშავებთ, რომ ოკუპანტების წარმომადგენლობა ჩვენს ტერიტორიაზე დასრულდეს და შევძლოთ ტერიტორიული მთლიანობის, სუვერენიტეტის აღდგენა, რაც მთავარია, მოხდეს საზოგადოებების გაერთიანება“, - განაცხადა ჯანელიძემ.

შეგახსენებთ, გუშინ რუსეთის პრეზიდენტმა ვლადიმერ პუტინმა ხელი მოაწერა განკარგულებას, რომლის მიხედვით მან ე.წ. სამხრეთ ოსეთში რუსეთის საგანგებო და სრულუფლებიან ელჩად გენერალ-მაიორი მარატ კულახმეტოვი დანიშნა. კულახმეტოვმ ამ პოსტზე ელბრუს კარგიევი შეცვალა.

ანა მებურიშვილი