სამართალი

ყურადღების მისაქცევად და სახალხო დამცველთან შესახვედრად ვშიმშილობდი - ირაკლი ჩხვირკია

ბათუმში განვითარებული მოვლენების საქმის ერთ-ერთი ბრალდებულის, ირაკლი ჩხვირკიას თქმით, შიმშილობა ყურადღების მისაქაცევად და სახალხო დამცველის წარმომადგენელთან შესახვედრად დაიწყო.

ამის შესახებ ჩხვირკიამ ბათუმის საქალაქო სასამართლოში განაცხადა, სადაც მისი და მერაბ ღოღობერიძის სასამართლო პროცესი მიმდინარეობს.

ჩხვირკიამ მოსამართლეს მიმართა და უთხრა, რომ მის მოღვაწეობასთან დაკავშირებით დადებით ინფორმაციას ფლობს. მისივე თქმით, სასამართლოს დღეს დიდი პრობლემები აქვს.

„მე მაქვს უფლება სხვადასხვა ინსტანციებში გავასაჩივრო საქმე და ევროსასამართლოს მივმართო. ჩემს საქმეს ვიცნობ, ვიცი მტკიცებულებები, იმ ღამეს რა ვილაპარაკე. დარწმუნებული ვარ, რომ სასამართლო გამამართლებს. ყურადღების მისაქცევად და სახალხო დამცველთან შესახვედრად ვშიმშილობდი-ეს იყო პროტესტის გამოხატვა. მზად ვარ, დავიცვა თავი იმ პირობებში, როგორც ახლა ვარ“,- განაცხადა ირაკლი ჩხვირკიამ.

მონიკა დავლიანიძე