პოლიტიკა

კრემლის საინფორმაციო გავლენას ყველაზე მეტად განიცდის უნგრეთი, საქართველო კი მეორე ადგილს იკავებს - MDF

არასამთავრობო ორგანიზაცია მედიის განვითარების ფონდის კვლევის თანახმად, კრემლის საინფორმაციო გავლენის მიმართ ყველაზე მოწყვლადია უნგრეთი 61 ქულით. მეორე ადგილზეა საქართველო 54 ქულით, მესამეზეა უკრაინა 49 ქულით, ბოლო ადგილზეა კი ჩეხეთი 48 ქულით.

კვლევა კრემლის გავლენის ინდექსს ეხება, კერძოდ, მისი საინფორმაციო გამოშვებების გავლენას სხვადასხვა ქვეყანაზე, მათი მესიჯებისა და ძირითადი ნარატივების შეღწევადობას მოსახლეობაში.

ანაგარიში გამოიცა Black Sea Trust-ის მხარდაჭერით. მედიის განვითარების ფონდის გარდა პროექტში მონაწილეობდნენ აღმოსავლეთი და ცენტრალური ევროპის არასამთავრობო ორგანიზაციები: „დეტექტორ მედია“ უკრაინიდან, „ევროპული ღირებულებები“ ჩეხეთიდან და „პოლიტიკური კაპიტალი“ უნგრეთიდან.

ანა მებურიშვილი