სამართალი

კრასნოდართან სახლების ძარცვის ფაქტზე საქართველოსა და ოკუპირებული აფხაზეთის მოქალაქე დააკავეს

რუსეთის ქალაქ კრასნოდართან, დაბა ელიზავეტინსკაიაში სამართალდამცველებმა სახლების ორი მძარცველი, საქართველოსა და ოკუპირებული აფხაზეთის მოქალაქე დააკავეს.

კრასნოდარის პოლიციის ინფორმაციით, თანამზრახველები საზაფხულო აგარაკებიდან ელექტროპლიტებს, „დრელებს“, და სხვა საყოფაცხოვრებო დანადგარებს იპარავდნენ.

სააგენტო Комсомольская Правда სამართალდამცველებზე დაყრდნობით წერს, რომ საქართველოს მოქალაქე 44 წლის მამაკაცია, თუმცა მისი სახელი და გვარი არ ვრცელდება. რაც შეეხება მეორე მძარცველს, პოლიციაში მის შესახებ არავითარ ინფორმაციას არ ავრცელებენ.

პოლიციის პრესსამსახურის ინფორმაციით, მომხდართან დაკავშირებით საქმე აღძრულია რუსეთის სისხლის სამართლის კოდექსის 158 მუხლის მეორე მუხლით, რაც 5 წლამდე თავისუფლების აღკვეთას გულისხმობს.

გავრცელებული ინფორმაციით, დაზარალებულებს მოპარულის ნაწილი დაუბრუნდათ.

მონიკა დავლიანიძე