პოლიტიკა

ყოველთვის ვამბობ, რომ არ შემიძლია, ვუმღერო ადამიანს, რომელიც მცემს, ხოლო მე შეპასუხება არ შემიძლია - ვახტანგ კიკაბიძე პუტინსა და რუსეთზე

მომღერალმა ბუბა კიკაბიძემ Deutsche Welle-ის რუსულ სამსახურს ინტერვიუ მისცა, სადაც განმარტა, რატომ არ ჩადის რუსეთში 2008 წლის შემდეგ.

„ერთ-ერთ ინტერვიუში ვთქვი, რომ მზად ვარ, რუსეთში ჩავიდე, თუკი ეს „კალათბურთელები“ - პუტინი და მედვედევი წავლენ პოლიტიკიდან. მე ძალიან მიყვარს ეს ქვეყანა. იქ იციან სიმღერების მოსმენა, კინოს ყურება. არა მგონია, რომ ჩემ გარშემო ასეთი აჟიოტაჟი ამის გამო ამტყდარიყო, ვთქვი, რომ არ მსურს ამ ორდენის [2008 წელს კიკაბიძემ უარი თქვა „ხალხთა მეგობრობის“ ორდენზე] მიღება, უარი ვთქვი. ყოველთვის ვამბობ, რომ არ შემიძლია, ვუმღერო ადამიანს, რომელიც მცემს, ხოლო მე შეპასუხება არ შემიძლია. შემდგომ ძალიან ბევრმა ჩემმა ნაცნობმა მითხრა: „მერე შენ რა, ხედავ, ყველა მიდის, ყველა მღერის“. მე არ შემიძლია. ჩემთვის უხერხული იქნება, შევხედო შვილებსა და შვილიშვილებს თვალებში“, - თქვა კიკაბიძემ ინტერვიუში.